Дьячковский Егор Семенович (1925-2005)

Саха АССР култууратын үтүөлээх үлэһитэ,Болугур нэһилиэгин бочуоттаах олохтооҕо

Чурапчы улууһун Болугур нэһилиэгэр кулун тутар 15 күнүгэр 1925 сыллаахха төрөөбүтэ.

1947с.Чурапчы педучилищетыгар үөрэммитэ.

1948 сыллаахха  Дьокуускайга культурнай сырдатар үлэ куурсун  үөрэнэн бүтэрбитэ. 1947 сыллаахха Болугурга ааҕар балаҕаҥҥа анаммыта.Ааҕар балаҕан сэбиэдиссэйэ нэһилиэккэ соҕотох культура үлэһитэ этэ.Сэбиэтигэр туруорсан биир хоһу ылан,олох мас,ыскаап булуммута.Оройуон хаһыатыгар «Кыым»,»Советская культура» хаһыаттарга,»Кульурно-просветительная работа»,»Клуб» сурунаалларга сурутан үлэтин саҕалаабыта.Бэсиэдэ ыытыы,бочуот дуоскатын,көрдөрүү дуоскатын үлэлэтии, эркин хаһыатын таһаарыы,биэчэрдэри тэрийэн ыытыы ирдэниллэрэ.Ол кэнниттэн Мындаҕаайы кулуубун салайбыта. Мындаҕаайы кулуубун үлэтэ  республикаҕа биллибитэ. Кэккэ сылларга оройуоҥҥа,республикаҕа инники миэстэлэртэн түспэтэхтэрэ.Бүтүн Россиятааҕы уус-уран самодеятельноһы көрүүгэ икки төгүл кыттан дипломант буолбуттара.1963 сыл күһүнүгэр республика 12 киин оройуоннарын уопуттарын атастаһар уонна култуурнай-сырдатар үлэни өрө көтөҕүүгэ аналлаах теоритическай республикатааҕы конференция Мындаҕаайы кулуубун базатыгар ыытыллыбыта.Конференцияҕа үс күн устата култуура үлэтин саҥа ирдэбиллэригэр олоҕурбут дириҥ ис хоһооннох дакылааттар,култуура үлэһиттэрин уопуттарын атастаһыылара  салҕанан барбыттара.

1967 сыллаахха делегация састаабыгар киирэн Улан-Удэ куоракка култуура үлэһиттэрин сьеһыгар кыттыбыта.

1971-1979 сс.Ленин аатынан колхуоһу салайбыта.1980 сылга култуура дьиэтин үлэтигэр төннүбүтэ..

Общественнай үлэтэ:

Комсомольскай    тэрилтэ  сэкиритээрэ,партийнай тэрилтэ сэкиритээр,»Знание» общество чилиэнэ, Сельсовет,Райсовет ,улуус  депутаттара,1979 с Чурапчы улууһун Бочуотун кинигэтигэр киирбитэ,

Наҕараадалара:

«За трудовое отличие», «За доблестный труд», «В ознаменование 100-летия В.И.Ленина»,»За доблестный труд в Великой Отечественной войне 1941-1945гг».-мэтээллэр

Саха сирин ОК КПСС,Саха сиринээҕи Верховнай Сэбиэтин президиумтан,культуура министиэртибэтиттэн бочуотунай грамоталар.

Кини туһунан:

1.Дьячковский Егор Семенович.-с.87-90//Герасимова М.А.-Сэҥээрэ.Тыа сирин культурата; Чурапчы улууһа.-Дьокуускай: Бичик,2004.-560с.

2.Дьячковский Егор Семеновичю-168с.//Энциклопедия культуры и искусства Якутии.-Якутск Бичик,2011.-кн.1.-608с.

3.Сэһэн Бологуртан сэдиптээн/хомуйан оҥордо Е.С.Дьячковский.-Чурапча.-2000

4.Киэн туттар дьоммут.Болугур нэһилиэгэ.Чурапчы улууһа.- Дьокуускай: Компания “Дани-Алмас”,2011.