Бу күрэх «Ыал саргыта» улуустааҕы пилотнай бырайыак иһинэн ыытыллар .Сыала-соруга: дьиэ-кэргэнинэн ааҕыыны сайыннарыы,чуолаан оҕо төрөөбүт тылынан саҥарарыгар сахалыы кинигэ оруолун тириэрдии буолар. Быйылгыттан » Төрөөбүт тыл биһигэ «диэн киин арылынна, Улуустааҕы Оҕо библиотеката салайыытынан нэһилиэк библиотекалара оскуоланы,уһуйааны кытта холбоһон үгүс өрүттээх үлэ ыытыллара былааннанар.

Кулун тутар 19 күнүгэр олохтоох библиотекаҕа «Ааҕар саха сайдам ыала» күрэх буолан ааста. Манна түөрт төрөппүт оҕолорун кытта кытыннылар.Оонньуу сахалыы тылларга,киинэҕэ,уруу-аймах ааттарыгар уонна д.а.сорудахтары толордулар.Дьүүллүүр сүбэҕэ саха тылын учуутала О.М.Борисова уонна оскуола библиотекара Эрматова А.Е. үлэлээтилэр.Кыттыбыттар бары туоһу суругунан,Добун суруктарынан наҕараадаланнылар.Инникитин маннык дьаһалларга төрөппүттэр оҕо сайдарын туһугар көхтөөхтүк кыттаргытыгар ыҥырабыт.