Оҕр сахалыы саҥарарын,ааҕарын көҕүлүүр сыаллаах улуустааҕы «Төрөөбүт тыл биһигэ» диэн бырайыак чэрчитинэн тэрээһиннэр буоллулар.

Кулун тутар 27 күнүгэр «Ымыы уһуйаан» улахан саастаах оҕолоругар «Эбээ ааҕар» тэрээһиҥҥэ Попова Мария Петровна оҕолорго сахалыы остуоруйа аахпытын оҕолор болҕойон иһиттилэр. Эбии библиотека саха сылгытын уратытын уонна бастакы Дьоруойбут Р.И.Константинов туһунан кылгастык сырдатта.

Муус устар 9 күнүгэр олохтоох библиотекаҕа бастакы кылаас оҕолоругар үс эбээ ыалдьыттаата. Василиса Михайловна Шестакова «Эбээм аптаах остуоруйата» диэн кинигэттэн остуоруйаны кэпсээтэ,Тамара Николаевна Саввина оҕолорго таабырын таайтарда, Полина Павловна Заболоцкая чабырҕах туһунан,хайдах ааҕыллыахтааҕын уонна чабырҕах ааҕан иһитиннэрдэ.Оҕолор эбээлэр уруоктарын сөбүлээтилэр,махтаннылар. бүтэһигэр эбээ алаадьытын сиэтилэр,морс истилэр.