Олунньу 10 күнүгэр Амма орто оскуолатыгар тыл күнүгэр аналлаах сэттиэлэ чэрчитинэн бастакы тэрээһин Амма орто оскуолатын библиотекара Эрматова А.Е. уонна олохтоох библиотекарь кыттыһан оскуола актовай саалатыгар 6,7 кылаастарга «Саха тыла-бараммат баай» диэн тэрээһин ыытыллынна.Саха бастакы лингвиһэ, саха бастакы букубаарын төрүттээччи С.А.Новгородов туһунан иһиттиннэрии- бэсиэдэни Эрматова А.Е. ыытта, олохтоох библиотека саха тылын күнүгэр оонньууну ыытта.Оҕолор сахалыы таабырыннары,өс хоһооннору,сахалыы иһиттэри,сахалыы мээрэйдэри,эппит-сиимпит аатын ааттарын төһө билэллэрин күрэхтэстилэр .

Бу күн салгыы интэриэһинэй көрсүһүүү буолла. Ньурба улууһуттан төрүттээх краевед,поисковик,суруйааччы Васильев Ксенофонт Васильевич кэлэн ыалдьыттаата.Кини Иван Михайллович Павлов кэриэһин толорон 19 туспа хайыһар биригээдэтин дьылҕатын үөрэтэр,дьонун көрдүүр.Старай Руссаҕа оройуонугар кыргыһыылар барбыт сирдэригэр көрдүүр үлэни ыыппыт. Кини Ильмень күөл кыргыһыытын историятыттан саҕалаан Ильмень күөл посиковай үлэ хайдах ыытыллыбытын сиһилии кэпсээнин 9,10 кылаас оҕолоро,учууталлар,историяны интэриэһиргээччилэр сылдьан иһиттилэр.Ксенофонт Васильевиһы Николай Ильич Петров арыаллаан аҕалбыт.Киниэхэ уонна Ксенофонт Васильевичка эдэр көлүөнэҕэ Аҕа дойду элбэх сахалар охтубут кыргыһыытын уонна париотическай иитиигэ суолталаах үлэни ыыта сылдьалларыгар барҕа махтал.

Олунньу 12 күнүгэр төрөөбүт тыл ,сурук-бичик күнүн көрсө олохтоох библиотекаҕа сэргэх тэрээһин буолан ааста. Тэрээһин бастакы чааһа төгүрүк остуолга олорон сахабыт тылын суолтатын,дьылҕатын. эбээлэр,ийэлэр бэйэлэрэ дьиэ-кэргэннэрин холобуруттан ырытан салгыы кэҥэтэн сэһэргэстибит.. Бэтэрээн учуутал Кожурова Надежда Никитична дирин ис-хоһооннох санааларын үллэһиннэ.

Иккис чааһыгар Дьоруой ийэ,сахалыы куттаах Кожурова Ж.П.-Сандаара саха итэҕэлин туһунан,хайдах үөрэ отунан,дэйбииринэн бэйэбитин ыраастанарбытын,алаһа дьиэбитин,Амма эбэбитин хайдах алгыстаан аһатарбытын ыллыктаах сүбэлэри биэрдэ.

Үһүс чааһыгар Суорун Омоллоон Чүөчээски кэпсээнтэн быһа тардыыны үгэс буолбут 13 сылын ыытыллар Өрөспүүбүлүкэ үрдүнэн ыытылла турар сахалыы дьыктаан ыытылынна

Чурапчытааҕы оҕо библиотеката быйыл Республикабыт Ил Дархана Айсен Сергеевич Николаев соруда5ынан оҕо төрөөбүт тылынан саҥарарын,ааҕарын күүһүрдэр сыалтан улуус библиотекаларын сүрүннүүр киин аһылынна.Бастакы тэрээһин «Таптыыр сахам тылынан» диэн дьыктааны оскуола оҕолоро суруйдулар,Дьыктаан уратыта аахпыттан төһө өйдөөбүттэрин суруйуу.Дьыктааны 4,5,6,7,8 кылаас оҕолоругар саха тылын учууталлара ,суруйтардылар.Барыта 31 оҕо суруйда