Олунньу 27 күнүгэр Мындаҕаайытааҕы норуот айымньытын дьиэтигэр «Д.Т.Брыскаев аатынан Амматааҕы участковай балыыһа» саҥа кинигэ сүрэхтэниитэ буолан ааста. Кинигэни АУБ үлэһиттэрэ Захарова М.С,,Старостина М.И.,Фомина П.И.хомуйан оҥордулар. Кинигэ «Дани-Алмас» типографияҕа 34 экз. бэчээтэммит.Кинигэ альбом форматынан элбэх хаартыскалаах, 40тан тахса ахтыы киирбит.5 түһүмэҕинэн балыыһа историята, Д.Т.Брыскаев,үлэһиттэр ахтыылара,саҥа балыыһа тутуутун хаартыскалара киирбиттэр.

Тэрээһиҥҥэ Чурапчыттан СР доруобуйатын үтүөлээх үлэһитэ, Чурапчы улууһун доруобуйа харыстабылын бэтэрээнэ Коркин Александр .Иннокентьевич уонна СР доруобуйатын үтүөлээх үлэһитэ,Чурапчы историятын,медицинатын туһунан уонча кинигэ автора Григорьева Людмила Михайловна ыалдьыттаатылар.Бу үөрүүлээх түгэҥҥэ кинигэ ааптардарыгар эҕэрдэ,алгыс тыллар этилиннилэр,бэтэрээн үлэһиттэргэ наҕараадалар туттарылыннылар.Бу саҥа кинигэ-биһиги нэһилиэкпит историятын арыйар,,үлэлээн ааспыт медицина үлэһиттэрин сыралаах үлэлэрин сырдатар,уонна үйэтитиигэ сүҥкэн кылаатынан буолар.