Олунньу 29 күнүгэр Р.И.Константинов аатынан Амма орто оскуолатын актовай залыгар СӨ норуодунай суруйааччыта,СӨ култууратын үтүөлээх үлэһитэ,литэрэтиирэ кириитигэ,тылбаасчыт,бэйиэт,публицист, Былатыан Ойкуунускай аатынан судаарыстыбыннай,Амма Аччыгыйын аатынан Ил Дархан,Семен Новгородов аатынан СӨ бириэмийэлэрин лауреаттара Сэмэн Андреевич Попов-Тумат лоп курдук 80 сааһын бэлиэтиир үбүлүөйүнэй тэрээһин буолан ааста. Кинини кытта Россия суруйааччыларын чилиэнэ,суруналыыс Д.Н.Макеев, Чурапчы улууһун баһылыгын солбуйааччыта А.Г.Лобанов, «Олоҥхо» духуобунай киин салайааччыта Д.Д.Попов кэлэн ыалдьытттаатылар. Эҕэрдэ тыллары Болугур нэһилиэгин баһылыга Р.Г.Васильев, АСОШ директора В.И.Пермякова,аймахтара Поповтар уонна Павлов В.В,Петров В.Н. эттилэр. Оскуола оҕолоро эҕэрдэ нүөмэрдэри көрдөрдүлэр, Семен Тумат Мындаҕаайыга олоро сылдьыбыт кэмин туһунан истиҥ ахтыы оҥордо,саҥа оскуоланы ,олохтоох музейы көрдө.Саҥа тахсыбыт кинигэлэрин бэлэх уунна. Салгыы Кулун тутар 1 күнүгэр Чурапчыга «Айылгыга» улахан үбүлүөйнэй тэрээһин буолла.